السلام عليكم
أنا طالب حاصل على 93.3% و43.5 انجليزى مع العلم انى ادبى
والسنة ديه دخلت التنسيق مرحلة اولى وعلى درجة واحده ذهبت الى السن المنيا .....فأنا سوف احول الى تجارة e

هل هذا ينفع ؟ وانا روحت الى جامعة القاهرة وجدت ان البرنامج الدراسة e يبدا التقديم من 5/8/2012 الى 30/8/2012

ارجو الرد من فضلك

لو سمحت انا عندي سؤال و ارجوا الرد سريعا .. انا جايب 91.7% علمي رياضة و جايب 47.5 في الانجليزي و 8.5 في المستوى الرفيع !!
يعني مجموعي الاعتباري 423.5
المهم بقى انا خايف ادخل تجارة القاهرة و مدخلش انجليش
عايز اعرف بقى في التنسيق الداخلي بيعملو حد ادنى لعلمي و حد ادنى لادبي ؟؟؟!
ولا بياخدوا اعلى مجاميع اعتبارية بغض النظر عن اي حاجة تانية ؟!!

بعد اذنك انا كنت عايز اسال عن حاجه بسيطه ... دلوقتى انا من القاهره وجالى تجاره حلوان وانا الى حد ما مقتنع بيها وكده .. بس كل الى اعرفهم ومتخرج منها بيقولى احول عين شمس عشان تبقى قريبه ليا .. لان تجاره حلوان مش تفرق حاجه عنهم غير الاقسام ومش ليها لزمه .. ف بعد اذنك عايز اعرف انهى احسن افضل فى تجاره حلوان وكده ولا احول عين شمس لو هما واحد ... وشكرا على المجهود وربنا يجعله فى ميزان حسناتكم :)

لو سمحتى انا من المنصوره
وجالى تجاره السويس وعايز احول تجاره اسماعليه احول ازى
ارجوا المساعده ضرورى

الموضوع مفيد جدا جزاك الله كل خير
بس كنا عايزين نعرف عن اقسام تجارة واحسن قسم هو ايه ؟

انا درست الثانوية في السعودية وبعد امتحان القدرات وكل الحسبة دي

بقت نسبتي 92 % مع العلم ان درجة الانجليزي في تانية وتالتة 100 %

هل ممكن الحق تجارة انجلش جامعة الزقازيق ولا مفيش امل عشان مغتربة

يا جماعه حد يرد عليا ضرورى هى تجارة انتساب موجه فلوسها بتوصل 1000 و1500 جنيه
وممكن تزيد عن كده
حد يرد عليا ضرورى

انا يا جماعة ادبي و دخلت تجارة وانا ماليش في الرياضة اوي ينفع ادخل تجارة انجليزي هتبقي سهلة عليا ولا صعبة مع العلم انا جايب في الانجليزي 43 من 50

مشكلتك انك على بال ما باب التحويل يفتح هايكون باب التقديم لتجارة انجليش قفل !!

بياخدو اعلى مجاميع اعتبارية مقدمة في ادبي واعلي مجاميع اعتبارية مقدمة في علمي

بس انت ماشاء الله يعنى 423 دا مجموع كويس جدا وفرصتك كبيرة باذن الله

استنا لما باب التحويلات يفتح وقدم عادي .. خش على قسم التنسيق في المنتدي هنا هاتلاقي فيه شرح مفصل لعملية التحويل بتتم ازاي

تجارة حلوان بعيدة ومشوارها ابن تيت ورخم .. وفي نفس الوقت تجارة عين شمس صعبة واللى بيجيب جيد فيها كأنه جاب جيد جداً

لو تعرف تخش تجارة القاهرة يبقى ميه ميه وزي الفل لانها من الاخر كدا اروش كلية تجارة في مصر

لا هيا صعبة ولا هيا سهلة وهاتعيش حياتك فيها احلي عيشة

مافيش حاجة اسمها احسن قسم .. انتى عندك اقسام معينة وانتى وميولك بقى

طبعا ميولك دي مش هاتقدري تحدديها من دلوقتى لانك لسه اصلا مادخلتيهاش حتى

بس عايز اقولك 90% من الناس بتخش محاسبة لان هيا دي اللى شغلها كتير واشمل كمان

تنسيق الوافدين من الخارج دول بيبقى معروف انه بيبقى عالي وبالتالى مش هاقدر افيدك اوي في الموضوع دا

انا رأيي انتى تقدمي وخلاص

مع مراعاة حاجة مهمة .. الانجليش في السعودية بيبقى ضعيف جدا

فانتي بتيجي هنا مصر بيتهيألك انك هاتمشي فيها وتيجي تتصدمي بالمواد ومستوي زمايلك اللى معاكي في الانجليش

فهاتبتدي تتعقدي وتزهقي وتتخنقي

لا طبعااااااااااااااااا .. هوا يوم مابيضرب في السما في حدود 400 او 500 ومابيزيدش عن كدا