اقتباس:
ربنا يجازيك خير يا فامبير
انا حسه انى فاضيه بطريقه رهيبه ومش متعوده على الفراغ ده
|
حتة الفضيان دا احساس طبيعي جدا لانك كنتي بتتطحنى في ثانوي
وبتقارني بين الطحن بتاع ثانوي والبراح اللى انتى عايشة فيه في الجامعة
بس لازم تبقى عارفه ان هاييجي عليكي وقت هاتقولي انا لو رجعت ثانوية عامة دي هاجيب فيها 98 % !!
عشان مستوي الجامعة اعلى بمراااااااااحل من مستوي الثانوي
اقتباس:
|
فياريت انا اسفه واللهى يعنى ياريت تتكلم بسرعه اكتر من كده
|
والله ربنا يعلم انا برجع البيت كل يوم الساعة 6 وبقعد لغاية الساعة 9 وبقوم انام لغاية تاني يوم الصبح
يعنى هما 3 ساعات اللى ببقى فاضي فيهم في اليوم كله تقريبا
اقتباس:
يعنى بالرغم انى فاوله لكن حسه ان الوقت بيعدى
ولما بكلم حد فالجامعه واساله يكون رده يشل يعنى انتى فين والكورسات فين
طبعا انا مش مقتنعه بالكلام ده تماما لكن واثقه فى كلامك ومعلوماتك ربنا يجازيك خير
|
معلومة غلط تماااااااااما طبعا .. وانا وضحت المعلومة دي قبل كدا في الاول
اقتباس:
يارت نفى اعرف يعنى ايه اوركل وit ودبلومه المحاسب المحترف اللى مغرقه الجامعه اعلانات هيا والاوركل
حاسه انى جاهله فمتزهقش مننا لانك بمثابه قاموس تجارى اه والله العظيم ان شاء الله ربنا يديك الحسنه بعشر امثالها
|
هههههههه والله ولا قاموس ولا حاجة ..
بس عشان مانسبقش الاحداث كله هايتعرف في وقته ..
والله كله هايتعرف في وقته .. خلينا بس ماشيين بالترتيب .. انتى لسه في سنة اولي والحاجات دي مش دلوقتى
انتى دلوقتى تركزى على الانجليش والكمبيوتر بسسسسسسس وغير كدا لاء
اقتباس:
|
وياريت تقولنا نبدا بقرص انجلش اسمه ايه ولا هو اسمه قرص انجلش وخلاص وكمان اروح اخد فين لانى باخد الكلام ثقه
|
في البوست الجاي ان شاء الله هاوضح فيه النقطة دي
اقتباس:
|
اه انا كنت اشتركت فى المجموعه العلميه ومسكت قسم مشروعات صغيره بس مش هروح حسيت انها تضيع الوقت بنسبه مليون الميه على قد ما هستفيد هخسر اكتر واكتر وعايزه اضيع الوقت فجاجه تنمينى زى القرصات كده
|
اشتركي في الموديلز .. مفيدة جدااااااااا وهاتتصاحبي على ناس بالعبيييط من خلالها
اقتباس:
|
شكرااااااااااااااا يا فامبير (محمود)
|
عرفتى اسمي منــــــــين ؟؟
اقتباس:
اه يا فامبير فى ورق بيتوزع للمعيدين دروس يعنى
فسنتر اسمه الاكاديميه
بيقولوا قدام باب تجاره واول محاضره مجانا
ايه ده ناس من بره ولا معيدين بجد ولاده هبل ونصب يعنى
ومش عارفه كنت عايزه اروح للمحاسبه علشان ابقى اقوى يعنى وكده خصوصا
التيرم الجاى محاسبه انجلش
|
ولا معيدين ولا بتنجااااااااان .. بيبقو ناس بتعرف تشرح وبس
بصرف النظر عن معيدين او مش معيدين انتى اللي يهمك واحد يخليكي تفهمى وبس
انا عن نفسي ارشحلك ورق محمود عبد الكريم او عمرو شيحة في المحاسبة
واكيد سمعتى الاسمين دول قبل كدا .. ولو ماسمعتيش مسيرك هاتسمعي
اما بالنسبة للدروس .. فاانا عن نفسي عمري ما اخدت اي دروس بصراحة في الكلية
غير بس في مرة كدا هفت عليا اخد سيكشن بره وكانت مرة وماتكررتش
بس انا رأيي بلاش .. اعتمدى على نفسك احسن .. بمعنى ان تكون مصادرك هيا بالترتيب كدا
ورق الدرس من المكتبة اللى بتجيبي منها - التطبيقات - المحاضرة - الكتاب ودا بيكون للاطلاع مش اكتر